Shaǵyn jáne orta bıznes: Almatyda 84 mlrd teńgeniń myńnan astam jobasy maquldandy
Baqytjan Saǵyntaev keltirgen derekterge súıensek, 2020 jyly baǵdarlamalardy iske asyrýǵa qarastyrylǵan soma 3 ese artyp, 31,8 mlrd teńgeni qurady.
Jalpy quny 317 mlrd teńgeni bolatyn eki myńnan astam joba memlekettik qoldaýǵa ıe boldy.
2020 jyly daǵdarysqa qarsy sharalardy sátti júzege asyrý nátıjesinde sýbsıdııalaý tetikteri arqyly qoldaýǵa ıe bolǵan bıznes sýbektileriniń sany 2019 jylmen salystyrǵanda 189% jáne kepildik 400% ósti.
«Bıyl biz osy tendentsııany saqtaı aldyq. Máselen, Almaty kásipkerleriniń jobalaryn nesıelendirý men sýbsıdııalaýǵa 35,8 mlrd teńge bólindi nemese byltyrǵy kórsetkishten 13%-ǵa artyq. Jyl basynan beri 84 mlrd teńgeniń bir myńnan astam jobasy maquldandy», - dedi ákim.
Kásipkerlikti qoldaýdyń negizgi baǵdarlamasy «Bıznestiń jol kartasy – 2025».
Onyń aıasynda nesıeler boıynsha paıyzdyq mólsherleme jáne nesıelerdiń, granttardyń ishinara kepildemeleri sýbsıdııalanady.
2020 jyly baǵdarlamany iske asyrýǵa 7,9 mlrd teńge bólindi, onyń ishinde 700 mln teńge – tegin memlekettik granttar.
Nátıjesinde shaǵyn kásipkerliktiń 266 jobasy 2-den 5 mln teńgege deıingi bıznesti ashýǵa jáne damytýǵa grant ala aldy.
Onyń 500 mln teńgesi halyqtyń áleýmettik osal toptarynyń jobalaryn qoldaýǵa bólindi.
«Búginde «Qarapaıym zattar ekonomıkasy» baǵdarlamasy aıasynda 120,9 mlrd teńge somasynda 66 myń joba qarjylandyryldy jáne maquldandy (onyń ishinde 2021 j. - 15,8 mlrd teńgeniń 8 jobasy) 1,5 myńnan astam jumys orny ashyldy.«Eńbek» baǵdarlamasy aıasynda kásipkerlikti qoldaýǵaı 1,5 mlrd teńge qarastyrylǵan. Jeńildetilgen nesıe beretin memlekettik baǵdarlamalardan basqa Almaty Business aımaqtyq baǵdarlamasy iske asýda. Jyl basynan beri 25 jobaǵa 1,5 mlrd teńge kóleminde qoldaý kórsetildi»,-deıdi Baqytjan Saǵyntaev.
Budan bólek, jergilikti kásipkerlerdi qoldaý maqsatynda «Qarapaıym zattar ekonomıkasy» baǵdarlamasynyń aıasynda Almaty qalasynyń ákimdigi jıhaz,jeńil, tamaq, hımııa, farmatsevtıka, qaǵaz-tsellıýloza óndiristeriniń, qurylys materıaldarynyń, mashına jasaý salalarynyń bıýdjettik baǵdarlamalar ákimgerleri men olardyń vedomstvolyq baǵynyshty uıymdaryna memlekettik satyp alýda jergilikti sıpatty qamtýlaryna qatysty aı saıyn monıtorıng júrgiziledi.