Shaǵyn súńgýir qaıyqpen «Tıtanıkke» attanǵan 5 adam joǵalyp ketti
BRıÝSSELЬ. QazAqparat – Jeksenbiden beri qutqarýshylar Atlant muhıtynyń soltústik bóliginde joǵalyp ketken súńgýir qaıyqty izdestirip jatyr, dep habarlaıdy QazAqparat menshikti tilshisi eýropalyq BAQ-qa silteme jasap.
Bortynda 5 adam (Frantsııa, AQSh, Ulybrıtanııa jáne Pákistan azamattary) bar shaǵyn «Tıtan» (Titan Sub) qaıyǵy Soltústik Atlantıkadaǵy sýǵa batqan «Tıtanık» kemesimen tanysý úshin 4 myń metr tereńdikke súńgip ketken.
Titan Sub – Oceangate kompanııasyna tıesili shaǵyn sýasty apparaty. Salmaǵy – 10 tonna, uzyndyǵy – 6,7 metr. Syıymdylyǵy bes adammen shekteletin apparat 96 saǵatqa tereńdikke boılaı alady.
Qazir Amerıkanyń qarýly kúshteri Kanada men Frantsııadan kelgen áriptesteriniń qoldaýymen qutqarý operatsııasyna qatysyp jatyr. Іzdeý jumystary kezinde gıdrolokatordyń jekelegen dybystardy anyqtaǵany habarlandy. Bıliktiń baǵalaýy boıynsha, sársenbi kúni tańerteń kemede shamamen 30 saǵattyq ottegi qalǵan.
