Shaǵyn otbasylardan shyqqan balalar uzaq ómir súredi - zertteý
ASTANA. QazAqparat - Djons Hopkıns ýnıversıtetindegi ǵalymdardyń jańa zertteýi kedeı elderde shaǵyn otbasylardan shyqqan balalardyń ómir uzaqtyǵy úlken otbasylardan shyqqandardan shamamen úsh jyl kóp ekenin kórsetti. Mamandar sábıler óliminiń kórsetkishterin de esepke aldy. 4 jáne az balalary bar otbasylar shaǵyn, odan kóp bolsa - úlken bolyp esepteledi.
Osylaısha, otbasyn josparlaý baǵdarlamalary turǵyndardyń birqalypty ósimin qamtamasyz etip, qorlardy únemdeýge múmkindik berip qana qoımaı, adamdardyń densaýlyǵyna da áser etedi, dep jazady Zee News. Shaǵyn otbasylarda aǵalar men apalardyń arasynda básekelestik deńgeıi tómendetilgen. Balalar úshin jaǵdaı jasalyp, bul olardyń densaýlyǵyna da jaqsy áser etedi.
Aıta keteıik, Hıýston ýnıversıtetiniń zertteýshileri kópbalaly otbasylardan shyqqan balalardyń oqý úlgerimi tómen ekenin anyqtady. Budan basqa, olardyń tártibi de nashar. Másele kishi balasynyń dúnıege kelýin ata-ananyń eresegine az kóńil bóle bastaýymen túsindiriledi.
