Shaǵyn nesıeleý uıymdarynyń nesıelik portfeli 66%-ǵa ósken
ASTANA. QazAqparat - Shaǵyn nesıeleý uıymdary nesıeleý kólemin arttyrýdy jalǵastyryp jatyr, dep habarlaıdy «QazAqparat» HAA.
Atap aıtqanda, 2017 jyldyń birinshi jartyjyldyǵynda osyndaı kompanııalar 2016 jyldyń osy kezeńimen salystyrǵanda 66,3% -ǵa kóp nesıe bergen, al olardyń jalpy nesıe portfeli 131,4 mlrd teńgeni quraǵan. Osy jyldyń qańtar-maýsym aılarynda Qazaqstan azamattary jeńildetilgen nesıeleý protsedýrasy boıynsha (onyń ishinde onlaın rejıminde) 102,8 mlrd teńge alǵan.
zanimaem.kz qarjy portalynyń sarapshylarynyń pikirinshe, 2017 jyly mıkroqarjylandyrý naryǵynyń kólemi 205 - 206 mlrd teńgege jetýi tıis.
Shaǵyn nesıeleý uıymdarynyń eń belsendi klıentteri jeke kásipkerler bolyp qala bermek, sebebi olar nesıeleý protsedýrasyn ońtaılandyrýǵa múmkindik beretin bólshek qyzmettiń klıenti retinde qaryz ala alady.
