Shaǵyn nesıe berý uıymyna shabýyldaǵan er adam Atyraýda ustaldy
ATYRAÝ. QazAqparat - Shaǵyn nesıe berý uıymyna shabýyldaǵan er adam Atyraýdan ustaldy, dep habarlaıdy QazAqparat.
Oblystyq polıtsııa departamentiniń habarlaýynsha, Prıvokzalnyı shaǵynaýdanynda ornalasqan shaǵyn nesıe berý uıymynyń kassıri 102 operatoryna medıtsınalyq maska kıgen er adamnyń pyshaq kezenip, kassadan 400 myń teńgeni alyp ketkenin habarlaǵan.
«Jedel-izdestirý sharalarynyń nátıjesinde 25 jastaǵy azamattyń izi sýymaı ustaldy. Ol ýaqytsha ustaý ızolıatoryna qamaldy. Qazirgi tańda osy oqıǵa boıynsha QR QK-niń 192 baby boıynsha (qaraqshylyq) tergeý júrip jatyr. Ázirge qylmystyq áreketke qatysty ózge aqparattar jarııalaýǵa jatpaıdy»,-dep málimdedi oblystyq polıtsııa departamentiniń baspasóz qyzmeti.
Aıta keteıik, tap osyndaı jaǵdaı óńirde qańtar aıynda boldy. Ol kezde qaraqshy kassırge pyshaq kezenip, aqshany alyp, izin sýytqan edi.
Vıktor Sýtıagın
