Shaǵyn nesıe alǵysy keletin jastardan bir aıda 761 ótinish tústi
Atap aıtqanda, 485 azamat mal sharýashylyǵyna, 191-i qyzmet kórsetý salasyna, 46-sy saýda-sattyqqa, 22-si jeńil ónerkásip salasyna, 9-y aýyl sharýashylyǵy ónimin óńdeýge, 8-i ósimdik sharýashylyǵyna nesıe alýǵa ótinish bergen. Jalpy, 2023 jyly jastarǵa barlyǵy 5 796 shaǵyn nesıe berý josparlanyp otyr.
Qaraǵandy turǵyny Móldir Taılaqova - jastar nesıesine ótinishi maquldanǵan Qazaqstandaǵy alǵashqy jas kásipker. Jasy 32-de. Ol «Agrarlyq nesıe korporatsııasy» AQ Qaraǵandy fılıalynda 5 mıllıon teńge nesıe rásimdegen. Bul qarajatqa kommertsııalyq múlik satyp alyp, sán salonyn ashpaq.
Shaǵyn nesıe 21 jastan 35 jasqa deıingi jastarǵa óz isin ashý nemese keńeıtý úshin beriledi. Qatysýshylardyń «Agrarlyq nesıe korporatsııasy» AQ-na ótinish bergen ýaqyttaǵy jasy eskeriledi. Úmitker 5 jyldan aspaıtyn merzimde jeke kásipker retinde tirkelýi kerek.
Shaǵyn nesıesiniń kólemi 5 mln teńgege deıin, al merzimi – kez kelgen maqsatqa 5 jylǵa deıin, mal sharýashylyǵy salasyndaǵy jobalar úshin 7 jylǵa deıin. Nomınaldy syıaqy mólsherlemesi – jyldyq 2,5%-dan aspaıdy.
Shaǵyn nesıe alýshylar úshin negizgi borysh pen syıaqyny óteý boıynsha jeńildikti kezeń beriledi, ol nesıe merzimi uzaqtyǵynyń úshten birinen aspaıdy.
Kepilmen qamtamasyz etýdiń bolýy mindetti shart bolyp tabylady. Kepil retinde jyljymaly (arnaıy tehnıka) jáne jyljymaıtyn múlik qabyldanady. Kepilmen qamtamasyz etý bolmaǵan jaǵdaıda kepil berýshini (ata-analaryn, týystaryn jáne t.b.) tartýǵa bolady.
Ótinish berý úshin qujattar paketin «Agrarlyq nesıe korporatsııasy» AQ fılıalyna tapsyrý qajet.
Qajetti qujattar tizimi:
1. jeke basyn kýálandyratyn qujat;
2. joba boıynsha bıznes-jospar;
3. shottyń bolýy týraly qyzmet kórsetetin bankten anyqtama;
4. kredıttik bereshektiń, onyń ishinde qarjy uıymdarynan merzimi ótken bereshektiń bolýy týraly anyqtama (nesıe bolǵan kezde);
5. qatysýshynyń/úmitkerdiń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzindi kóshirme), bolǵan jaǵdaıda;
6. kepildi qamtamasyz etý retinde beriletin múlikti baǵalaý týraly esep;
7. kepil berýshi jáne kepilmen qamtamasyz etý jónindegi qujattar.
Shaǵyn nesıe:
- turǵyn jyljymaıtyn múlikti (onyń ishinde malshylar úshin ýaqytsha/turaqty turǵyn úılerdi) satyp alý, salý nemese jóndeý, jer ýchaskelerin satyp alý (kez kelgen nysanaly maqsatpen);
- baǵaly qaǵazdardy satyp alý (portfeldik ınvestıtsııalar);
- qarýdy (onyń ishinde qarý óndirýge arnalǵan quramdas bólikterdi), quramynda esirtki bar zattardy nemese azamattyq aınalymnan alynǵan basqa da múlikti óndirý nemese satyp alý;
- oıyn bıznesin uıymdastyrý jáne (nemese) damytý;
- Qazaqstan Respýblıkasynyń zańnamasynda tyıym salynǵan terrorıstik jáne kez kelgen ózge de qyzmetke baılanysty qyzmet;
- motorly kólik quraldaryn shyǵarýdy jáne óz óndirisindegi júzimnen sharap óndirýdi, sondaı-aq temeki jáne/nemese alkogol ónimderin satyp alýdy kózdeıtin jobalar, aktsızdeletin taýarlardy/ónimderdi shyǵarý;
- kredıtorlyq bereshekti óteý;
- bıznesti júrgizýge baılanysty emes jeke tutynýshylyq maqsatqa BERІLMEIDІ.
Shaǵyn nesıe arnaıy komıssııanyń sheshimi negizinde beriledi, úmitkerler komıssııa otyrysynda ózderiniń bıznes-jobalaryn tanystyrady.
Osylaısha, shaǵyn nesıe berý týraly sheshim komıssııalyq jáne naqty is-qımyl josparymen ózekti, dáleldi, ekonomıkalyq negizdelgen, qoǵamdyq mańyzy bar, ómirsheń bolýy tıis jobanyń pysyqtalýyn baǵalaýdyń naqty krıterııleri negizinde qabyldanady.
Qazirgi ýaqytta shaǵyn nesıe alýǵa ótinishter 16 oblysta jáne Astana, Almaty, Shymkent qalalarynda qabyldanady. Al, Shyǵys Qazaqstan oblysynda ótinish qabyldaý jaqyn arada bastalady.
«Agrarlyq nesıe korporatsııasy» AQ fılıaldarynyń mekenjaıy mynaý saıtta kórsetilgen.
