Shaǵyn qurylǵyǵa arnalǵan 1 terabaıt jady kartasy shyǵaryldy
ASTANA. QazAqparat - SanDisk kompanııasy kóptegen kompıýterdiń jınaqtaýshy kóleminen asyp túsetin SDXC jady kartasyn jasady.
Rekordty karta 1 terabaıtqa deıingi aqparat syıdyra alady. Ony fotokameraǵa salǵannan keıin, sýretterdi tazalap, bos oryn qaldyrý máselesin umytýǵa bolady.
Ókinishke qaraı, ol ázirge kommertsııalyq ónim emes, telnusqa (prototıp) ǵana. Sol sebepti, karta quny áli belgilenbegen. SanDisk kólemi 512 GB SDXC-jınaqtaýshysyn 800 dollarǵa satýda, sondyqtan, terabaıttyq jańa ónim shamamen 1500 dollar bolýy múmkin.
Alǵashqy SD-kartany SanDisk 16 jyl buryn shyǵarǵan, onyń syıymdylyǵy 64 MB bolǵan.
