Shaǵyn kásipkerlik sýbektilerin endi onlaın tirkeýge bolady

ALMATY. QazAqparat – Endi shaǵyn kásipkerlik sýbektilerine jatatyn zańdy tulǵalar, fılıaldar men ókildikterdi eseptik tirkeý úshin Elektrondy úkimet veb-portalynda habarlama toltyrý ǵana qajet, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy Almaty qalasy fılıalynyń dırektory Abdýrasýl Kýldashovtyń aıtýynsha, JShS ashý úshin jańa is bastaǵan kásipkerge jarǵy qajet emes, tirkeý jarnasyn tóleýdiń nemese salyq organyna barýdyń da qajeti joq.

«Tek kompıýter men Elektrondyq tsıfrlyq qoltańbasy bolsa jetkilikti. Egov.kz saıtynda JShS tirkeý nusqaýlaryn oryndasa, jarty saǵatqa jetpeı nátıjesi shyǵady», - dedi ol.

Sondaı-aq spıker eger bári durys bolsa, júıe aqparatty óńdep, JShS-nyń tirkelgendigi jaıly anyqtamany 30 mınýtta (maksımým) beretinin, eger portal jaqsy jumys istese, anyqtama 10 mınýtta daıyn bolatynyn atap ótti.

«Osylaısha memlekettik kórsetiletin qyzmet nátıjesi egov.kz portalyndaǵy jeke kabınette árdaıym qoljetimdi jáne tirkelgenin rastaıtyn qujattardy alý úshin Memlekettik korporatsııaǵa júginýdiń qajeti joq», - dedi ol.

«Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıalynyń málimetinshe, jyl basynan beri Almaty qalasy boıynsha tirkelgen 4390 zańdy tulǵanyń 4232-i onlaın tirkelgen. Tek 158-i HQKO-larǵa kelip ótinish bergen. Al, qaıta tirkeýge ótinish bergen 3061 zańdy tulǵanyń 2907-i onlaın, 154-i HQKO arqyly ótinish bergen.

Aıta keteıik, memlekettik qyzmetterdiń 96%-yn HQKO-ǵa kelmeı-aq, eGov mobıldik qosymshasy, Egovkzbot2.0 Telegram-bot jáne Egov.kz. elektrondyq úkimet portaly arqyly aýlǵa bolady.