Shaǵyn fýtboldan "Tulpar" klýby Qazaqstan kýbogynyń jeńimpazy atandy
ALMATY. 29 jeltoqsan. QazAqparat /Erlik Erjanuly/ - Keshe Qaraǵandynyń "Jastar" sport kesheninde shaǵyn fýtboldan Qazaqstan kýbogynyń aqtyq fınaldyq oıyndary ótti.
Onda alań qojaıyndary Almatynyń "BTA-fýtzal" komandasyn 6:2 esebimen utyp, 3-ret el kýbogynyń jeńimpazy atandy. Olar seısenbi kúni jartylaı fınalda Almatynyń "Qaıratyn" 3:1 esebimen utqan bolatyn. Al qola júlde úshin bolǵan kezdesýde "Qaırat" Astananyń "Ushqyn-Iskra" komandasynan basym tústi. Buǵan deıin 2010 jyly "Tulpar", al 2009 jyly "Qaırat" el kýbogyn ıelengen bolatyn.
