Shaǵyn fýtboldan stýdentter arasyndaǵy Álem chempıonatynda qazaqstandyqtar úzdik ondyqtyń qataryna endi
ALMATY. 27 tamyz. QazAqparat - Portýgalııanyń Brava qalasynda 18-25 tamyz kúnderi shaǵyn fýtboldan stýdentter arasyndaǵy HІІІ Álem chempıonaty ótti.
Onda erler arasynda 37 eldiń quramasy arasynan Ámirjan Muqanov jattyqtyratyn qazaqstandyqtar 9-oryn aldy. Toptyq kezeńde Brazılııa (2:1) men Ispanııa (2:6) aıaqdopshylaryna utylyp «V» tobynda úshinshi oryn alǵan olar júldeli oryndarǵa talasý múmkindiginen syrt qalǵan bolatyn. Odan keıingi synda jınaqy óner kórsetken olar 9-ynshy orynǵa ıe boldy. Jarystyń jalpy qorytyndysynda Ýkraına Álem chempıony, Reseı men Portýgalııa kúmis jáne qola júldeger atandy. Odan keıingi oryndarǵa Taıland, Brazılııa, Ispanııa, Ázirbaıjan, Qytaı, Qazaqstan, Polsha, Grekııa, Frantsııa, Izraıl, Oman elderiniń quramalary ornalasty. Al áıelder arasyndaǵy jarysta 10 eldiń arasynan 1-3 oryndy Brazılııa, Ispanııa, Portýgalııa fýtbolshylary ózara bólisti.
