Shaǵyn fýtboldan Qazaqstan ulttyq quramasy Novosibir men Tıýmen qalalarynyń jergilikti klýbtarymen joldastyq kezdesý ótkizedi

Bul Evro-2012 chempıonatynyń dárejelik kezeńine daıyndyq aıasynda josparlanyp otyr. Oǵan Ámirjan Muqanov jattyqtyratyn ulttyq qurama 2 jeltoqsanda Qaraǵandyda bastalatyn oqý-jattyǵý jıynynan keıin attanbaq. Oǵan bas bapker "Tulpar" klýbynan 10 (Dáýren Nurǵojın, Shyńǵys Esenamanov, Ǵalymjan Qosmuhambetov, Konstantın Peremyshlın, Mıhaıl Pershın, Aleksandr Dovgan, Nıkolaı Pengrın, Pavel Taký, Aleksandr Grebonos, Roman Shorın), "Qaırat" klýbynan 4 (Dinmuhamet Súleımenov, Serik Jamanqulov , Vıtalıı Aleksandrov, Grıgorıı Shamro), "Aıat" klýbynan 4 (Danııar Kenjeǵulov, Tımýr Myrzabaev, Nıkolaı Kazakov, Aleksandr ıAkımenko) jáne "Araı" klýbynan 1 ( Stanıslav Kononenko) oıynshyny shaqyryp otyr.

2012 jyly Horvatııada ótetin Eýropa chempınatynyń dárejelik kezeńiniń jerebesi 24 qyrkúıekte tartylǵan bolatyn. Oǵan qatysatyn 11 komandanyń joldamasyn alǵashqy kezeńde 24 komanda sarapqa salady. Qazaqstan quramasy jarysty irikteý kezeńinen bastaıdy. Onda olardyń qarsylasy Ispanııa (qazirgi Eýropa chempıony) Ázirbaıjan jáne alǵashqy kezeńde "D" tobynda baq synaǵan Lıtva, Frantsııa, Bolgarııa, Malta komandalarynyń jeńimpazy bolmaq. Toptyq bul matchtar 2011 jyly 24-28 aqpanda Ázirbaıjanda ótedi.