Shaǵyn fýtboldan «Qaırat» komandasy men ulttyq qurama arasynda joldastyq kezdesýler ótti
ALMATY. 28 qańtar. QazAqparat -Brazılııalyq Joao Karlos Barboza jattyqtyratyn shaǵyn fýtboldan Qazaqstan ultyq quramasy Almatyda 20-27 qańtar kúnderi oqý jattyǵý jıynyn ótkizdi.
Oǵan bas bapker «Qaırat» komandasynan - 8, «Tulpar» komandasynan - 4, «BTA Fýtzal» komandasynan - 3, «ÓzenMunaıGaz» ben «SKA-ıÝG» komandalarynan eki-eki oıynshydan shaqyrǵan bolatyn. Olar 24 qańtar kúni joldastyq kezdesýde Almatynyń «Qaırat» komandasynan 1:7 esebimen oısyraı utyldy. Al qarymta kezdesýde 1:3 bop jeńildi. Bul saıysta qurama sapynan Vıtalıı Aleksandrov («Qaırat») pen Mıhaıl Pershın («BTA Fýtzal») almatylyqtardyń qaqpasynan sańylaý taba aldy.
