Shaǵyn fýtbol jeńimpazy - Astana qalalyq ІІD
ASTANA. Shildeniń 27-si. QazAqparat - Eki kúnge sozylǵan shaǵyn fýtboldan jarysta Astana qalasynyń Іshki ister departamenti birinshi oryndy jeńip aldy,
dep habarlaıdy atalmysh vedomstvonyń baspasóz qyzmetinen Áıgerim Muhanova.
«Halyq densaýlyǵy - ol Qazaqstannyń óziniń strategııalyq maqsattaryna jetýdegi tabysynyń ajyramas quramdas bóligi», dep Memleket basshysy N.Nazarbaev bıylǵy dástúrli Joldaýynda atap ótkenindeı, dene shynyqtyrý men sport salaýatty ómir saltyn qalyptastyrý, jastardy rýhanı tárbıeleý - azamattardyń densaýlyǵyn jaqsartýdaǵy eń mańyzdy quraldardyń biri. Osy rette taıaýda «Dınamo» dene shynyqtyrý-sport qoǵamynda QR Іshki ister mınıstrligi, Astana qalalyq Іshki ister departamenti, QR Іshki ásker komıtetiniń jáne taǵy da basqa elordanyń qurylymdyq mekemelerinen 10 komandanyń qatysýymen shaǵyn fýtboldan jarys ótkizildi. Bul sharanyń maqsaty - Elbasynyń bıylǵy Joldaýy aıasynda buqaralyq sportty damytý.
«Dınamo» dene shynyqtyrý-sport qoǵamynyń tóraǵasy, Astana qalalyq ІІD Kadr jumysy basqarmasy bastyǵynyń orynbasary, polıtsııa podpolkovnıgi Rústem Kalın jarysqa qatysýshylarǵa sáttilik tilep, «Adamnyń ómirlik kúshi nemese ómirlik qýaty degen túsinik bar. Onyń deńgeıi adamnyń densaýlyǵyna, psıhologııalyq ahýalyna jáne kóńil kúıine, jalpy ishki jan-dúnıesine táýeldi bolady. «Deni saýdyń - jany saý». Eger adam ár ýaqytta dene shynyqtyrýmen aınalysyp, óziniń densaýlyǵyn túzetý úshin túrli sport jattyǵýlaryn oryndap otyrsa, ol tek deni saý bolyp qana qoımaı, ómirdiń barlyq salasynda tabysty bolýyna múmkindik jasaıdy» - dedi.
Oıynnyń alǵashqy kúni elordalyq garnızon fýtbolshylary Astana qalalyq Qylmystyq-atqarý júıesi komıteti komandasyn esh qınalmastan jeńip, kórermenderdiń kóńilinen shyqty.
Al oıynnyń qorytyndy ekinshi kúninde astanalyq Іshki ister departamenti QR Іshki ister mınıstrligimen oıyn alańyna shyǵyp, astanalyq departament 3-0 esebimen jeńiske jetti.
Jarys sońynda jeńimpazdar gramotalarmen jáne baǵaly syılyqtarmen marapattaldy.
