Shaǵyn fýtbol: Prezıdent Іs basqarmasynyń ortalyq apparaty men vedomstvolyq uıymdarynyń komandalary jarysty
Týrnırge Іs basqarmasynyń ortalyq apparatynyń, Medıtsınalyq ortalyqtyń, Materıaldyq-tehnıkalyq qamtamasyz etý basqarmasynyń, QR Prezıdentiniń Ákimshiligi men Úkimetiniń ákimshilik ǵımarattary dırektsııasynyń, Memlekettik rezıdentsııalar dırektsııasynyń, «Avtosharýashylyq» mekemesiniń, «Búrkit» avıakompanııasynyń, Injenerlik-tehnıkalyq ortalyqtyń, «Qazqurylysjúıesi» JShS-niń, «Býrabaı» ulttyq parkiniń, Qazaqstan Respýblıkasy Prezıdentiniń teleradıokesheniniń qyzmetkerlerinen jasaqtalǵan 11 komanda qatysty.
Salaýatty ómir saltyn nasıhattap, ujymda komandalyq rýhty kóterýge baǵyttalǵan tartysty jarys nátıjesinde QR Prezıdentiniń Ákimshiligi men Úkimetiniń ákimshilik ǵımarattary dırektsııasynyń komandasy sheber oıyn órnegin kórsetip, 1-oryndy jeńip aldy.
Aqtyq kezeńge deıin qarsylas shaq keltirmegen Medıtsınalyq ortalyqtyń fýtbolshylary sońǵy sátte ǵana súrinip, 2-oryndy ıelendi. QR PІB Injenerlik ortalyǵy júldeli 3-orynǵa qol jetkizdi.
Jasyl alańda tamasha oıyn kórsetken jekeleı áriptesterimiz de nazardan tys qalǵan joq. Olarǵa arnalǵan derbes atalymdar tapsyryldy. Atap aıtqanda, Mahambet Saǵıtov – Úzdik qorǵaýshy, Jumaǵalı Álibaev – Surmergen shabýylshy, Abylaıhan Qadyrov – Úzdik qaqpashy atansa, Sýhrab Qodjamberdıev – týrnırdiń Úzdik oıynshysy bolyp tanyldy.
Jeńimpaz ben júldeger komandalar, sondaı-aq úzdik dep tanylǵan fýtbolshylar tıisti kýboktarmen jáne maqtaý qaǵazdarmen marapattaldy.
Jyl sońyna deıin jalǵasatyn spartkıada barysynda Qazaqstan Respýblıkasy Prezıdenti Іs basqarmasynyń ortalyq apparaty men vedomstvolyq qarasty uıymdary komandalary sporttyń 6 túrinen baq synaıdy.
