Shaǵyn fýtbol: M. Ospanovty eske alýǵa arnalǵan týrnırde Parlament komandasy jeńimpaz atandy
ASTANA. Qazannyń 1-i. QazAqparat - QR Parlamenti Májilisiniń birinshi shaqyrylymynyń tóraǵasy, memleket jáne qoǵam qaıratkeri,
ǵalym-ekonomıst Marat Turdybekuly Ospanovty eske alýǵa arnalǵan shaǵyn fýtboldan ótken jarys máresine jetti.
Bul týrnırge Parlamenttiń, Prezıdent Ákimshiliginiń, Úkimet Keńsesiniń, «Nur Otan» HDP-nyń jáne «Habar» agenttigi men «Egemen Qazaqstan» gazetiniń komandalary qatysty.
Tartysty ótken jarysta Parlament komandasy birinshi oryndy jeńip aldy. Jeńimpaz komandaǵa kýbok tabys etildi.
Jarys qorytyndysy boıynsha Májilis depýtaty Romın Mádınov úzdik qaqpashy, Prezıdent Ákimshiligi komandasynyń oıynshysy Tımýr Táshimbaev - úzdik qorǵaýshy, «Habar» agentigi komandasynyń oıynshysy Sársenbek Balabekov úzdik shabýylshy júldesine ıe boldy. Al Parlament Májilisi Apparaty Basshysynyń orynbasary Satybaldy Dáýletálın týrnırdiń úzdik oıynshysy bolyp tanyldy. Jeńimpazdarǵa QR Parlamenti Májilisi Tóraǵasynyń orynbasary Vladımır Bobrov júldelerdi tabys etti.
Dástúrge aınalǵan bul týrnır «Alataý» sport kesheninde ótken bolatyn.
