Shaǵyn fýtbol: Qazaqstannyń ulttyq quramasy ózbekstandyqtarmen joldastyq kezdesý ótkizedi
ALMATY. 18 aqpan. QazAqparat - Shaǵyn fýtboldan Qazaqstan ulttyq quramasy 27 aqpan pen 4 naýryz aralyǵynda oqý-jattyǵý jıynyn ótkizedi.
Bas bapker Joao Karlos Barboza buǵan Almatynyń «Qaıratynan» 8 fýtbolshyny shaqyryp otyr. Olar - Áset Jaqsybaev, Vıtalıı Aleksandrov, Vıtalıı Halıavın, Ǵalymjan Qosmuhambetov, Dinmuhambet Súleımenov, Nıkolaı Pengrın, Serik Jamanqulov jáne Tımýr Myrzabaev.
Jıynnyń sońynda, ıaǵnı 2-4 naýryz kúnderi Ózbekstan quramasymen joldastyq kezdesýler ótkizý josparlanyp otyr. Bul 2013/2014 jylǵy Eýropa chempıonatynyń irikteý týrnırine daıyndyqtyń basy bolmaq. Latvııanyń Elave qalasynda 27-30 naýryz kúnderi ótetin irikteý synynda qazaqstandyqtar alań qojaıyndary men Reseı jáne Rýmynııa quramalarymen bir topta óner kórsetpek. Rıgadan 45 shaqyrym jerdegi bul qalada jarystyń alǵashqy kúni Reseı men Qazaqstan, Latvııa men Rýmynııa baq synamaq. Kelesi kúni Rýmynııa men Reseı, Latvııa men Qazaqstan kezdesip, al aqyrǵy oıynda qazaqstandyqtar rýmyndyqtarmen, reseılikter latvııalyqtarmen alańǵa shyǵatyn bolady.
