Shaǵyn fýtbol: Qazaqstan áýesqoılar quramasy álem chempıonatynda kúmis medal aldy
ASTANA. QazAqparat - Shaǵyn fýtboldan Qazaqstan áýesqoılar quramasy álem chempıonatynyń kúmis júldegeri atandy, dep habarlaıdy QazAqparat tilshisi.
Dúbirli doda Vengrııa astanasy Býdapesht qalasynda ótkizildi. Aqtyq synda qazaqstandyqtar Brazılııaǵa 0:3 esebimen jol berdi. Osylaısha, álem chempıonatynyń kúmis júldesine ıe boldy.
Aıta ketsek, el quramasy E tobynda synǵa tústi. Barlyq kezdesýinde jeńiske jetti. Aldymen Shveıtsarııany 5:2, Úndistandy 22:1, Italııany 8:2, Lıvııany 5:0, Frantsııany 2:1 esebimen súrindirdi.
Pleı-off satysynda Moldovany (6:0), Meksıkany 2:1 jáne Polshany (3:0) jeńdi.
Áýesqoılar arasyndaǵy álem chempıonaty 2018 jyldan beri ótkizilip keledi. Buǵan deıin 2018 jyly Germanııa, 2019 jyly Reseı quramasy chempıon atanǵan edi.
Eske salsaq, budan buryn fýtzaldan Qazaqstan quramasy Ázerbaıjanmen eki márte joldastyq kezdesý ótkizetinin habarlaǵan edik.
Foto: shepherdsports.org
