Shaǵyn fýtbol boıynsha jarysta tarazdyq jýrnalıster ózbekstandyq gastarbaıterlermen oınady
TARAZ. 7 tamyz. QazAqparat - Qurylysshylar kúniniń qarsańynda Tarazda shaǵyn fýtbol boıynsha jarystar ótti.
Ony uıymdastyrýshylar - tarazdyq «Temir LB» JShS qyzmetkerleriniń aıtýynsha, sporttyq jarystarǵa bes komanda qatysty. Sonyń arasynda Taraz qalasyndaǵy qurylys uıymdary, jergilikti BAQ-tardyń quramasy, sondaı-aq Jambyl oblysynyń nysandarynda jumys isteıtin ózbekstandyq gastarbaıterlerden quralǵan «Pahtakor» komandasy boldy.
Qajyrly kúrestiń nátıjesinde 12 upaı alǵan jýrnalıster komandasy týrnırlik tizimde kósh bastady. Ekinshi orynda - 6 upaı alǵan «Temir LB» komandasy. Ózbekstandyq qonaqtar úshinshi orynǵa laıyq dep tanyldy. Jarystyń jeńimpazdary men júldegerleri baǵaly jáne aqshalaı syılyqtar aldy.
