Shaǵyn fýtbol ardagerleri ShQO Birinshiliginiń sheshýshi oıyndaryn ótkizýde
ASTANA. QazAqparat - Shyǵys Qazaqstan oblysynda «EXPO-2017» halyqaralyq kórmesine oraılastyrylǵan ardagerler arasyndaǵy shaǵyn fýtbol oıyndary ótip jatyr, dep habarlaıdy QazAqparat ShQO Dene shynyqtyrý jáne sport basqarmasynyń baspasóz qyzmetine silteme jasap.
«Vostok» stadıonynda ótip jatqan ardagerler arasyndaǵy jarysqa 9 komanda qatysýda. Shaǵyn fýtbol oıyndary eki aınalym boıynsha júrgizilýde. Aldaǵy demalystarda «Imstalkon» - «Mashzavod» komandalary arasynda birinshi aınalymnyń sheshýshi kezdesýi ótpek.
Uıymdastyrýshylardyń aıtýynsha, búgingi tańda «Imstalkon» komandasy alda kele jatyr.
Aıta ketý kerek, 2008-2010 jylǵy balalar arasynda «Altaı» Kýbogyna» jarys 17 maýsymǵa josparlanyp otyr. Aıtýly sharaǵa 10 komanda qatysady.
