Shaǵyn bıznesti salyqtan bosatýdan tragedııa jasaýdyń qajeti joq – Memleket basshysy

NUR-SULTAN. QazAqparat – Shaǵyn jáne orta bıznes sýbektilerin salyqtan bosatýdan tragedııa jasaýdyń qajeti joq. Bul týraly Nur-Sultan qalasynyń ákimdiginde ótken elordany odan ary damytý máseleleri jónindegi májiliste Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Shaǵyn jáne orta bıznes sýbektilerin salyq tóleýden bosatqannan keıin elorda bıýdjeti 40-50 mlrd teńgege qysqarady. Іs júzinde bul, kútiletin nátıje edi. Biraq, qala halqyn tartý úshin, adamdar kóptep bıznespen aınalysýy úshin májbúrli shara. Onda turǵan eshqandaı tragedııa joq», - dedi QR Prezıdenti.

Memleket basshysynyń atap ótýinshe, bul máseleler 15 qazan kúni ótetin ekonomıka jónindegi keńeste jan-jaqty talqylanatyn bolady.

«15 qazan kúni josparlap otyrǵan ekonomıka jónindegi keńeste bıýdjetke qosymsha qarajat kózderi jaıynda jan-jaqty sóılesemiz dep oılaımyn jáne Úkimetten budan tragedııa jasamaýdy ótinemin. Eń durysy, ákimshileý arqyly josparlanǵan shyǵystardyń ornyn toltyratyn qajetti qarajatty sizder jeńil-aq taýyp alasyzdar dep oılaımyn», - dedi Q.Toqaev.