Shaǵyn bıznesti qoldaý boıynsha usynys ázirleıtin jumys toby quryldy

ASTANA. QazAqparat – Premer-Mınıstr Álıhan Smaıylov «Shaǵyn jáne orta bıznesti qoldaý boıynsha usynystar ázirleý úshin jumys tobyn qurý týraly» ókimge qol qoıdy, dep habarlaıdy QazAqparat tilshisi.

«Shaǵyn jáne orta bıznesti qoldaýdyń tolyqqandy sharalar keshenin ázirleý boıynsha usynystar daıyndaý maqsatynda:

1. Osy ókimniń qosymshasyna sáıkes quramda shaǵyn jáne orta bıznesti qoldaý boıynsha usynystar ázirleý jónindegi jumys toby qurylsyn.

2. Jumys toby 2023 jylǵy 1 tamyzǵa deıingi merzimde shaǵyn jáne orta bıznesti qoldaý boıynsha usynystar ázirlesin jáne QR Úkimetine engizsin.

3. Osy ókimniń oryndalýyn baqylaý QR Premer-Mınıstriniń orynbasary – Qarjy mınıstrine júktelsin», - delingen Úkimet basshysynyń ókiminde.

Qujatta kórsetilgendeı, bul jumys tobynyń quramyna myna laýazymdaǵy tulǵalar endi:

- QR Premer-Mınıstri, jetekshi;

- QR Premer-Mınıstriniń orynbasary – Qarjy mınıstri, jetekshiniń orynbasary;

- QR Ulttyq ekonomıka birinshi vıtse-mınıstri, hatshy;

- QR Premer-Mınıstriniń orynbasary – Saýda jáne ıntegratsııa mınıstri;

- QR Parlamenti Májilisiniń depýtattary (kelisim boıynsha);

- «Samuryq-Qazyna» ulttyq ál-aýqat qory» AQ Basqarma tóraǵasy (kelisim boıynsha);

- QR Básekelestikti qorǵaý jáne damytý agenttiginiń tóraǵasy (kelisim boıynsha);

- QR Aqparat jáne qoǵamdyq damý mınıstri;

- QR Aýyl sharýashylyǵy mınıstri;

- QR Ádilet mınıstri;

- QR Densaýlyq saqtaý mınıstri;

- QR Eńbek jáne halyqty áleýmettik qorǵaý mınıstri;

- QR Indýstrııa jáne ınfraqurylymdyq damý mınıstri;

- QR Mádenıet jáne sport mınıstri;

- QR Tsıfrlyq damý, ınnovatsııalar jáne aeroǵarysh ónerkásibi mınıstri;

- QR Ekologııa jáne tabıǵı resýrstar mınıstri;

- QR Energetıka mınıstri;

- QR Qarjy naryǵyn retteý jáne damytý agenttigi tóraǵasynyń orynbasary (kelisim boıynsha);

- QR Strategııalyq josparlaý jáne reformalar agenttigi tóraǵasynyń orynbasary (kelisim boıynsha);

- QR Syrtqy ister mınıstriniń orynbasary;

- «Báıterek» ulttyq basqarýshy holdıngi» AQ Basqarma tóraǵasy (kelisim boıynsha);

- «Astana» halyqaralyq qarjy ortalyǵynyń basqarýshy (kelisim boıynsha);

- «Atameken» Ulttyq kásipkerler palatasy tóraǵasy (kelisim boıynsha);

- «Óńdeý ónerkásibi odaǵy» zańdy tulǵalar birlestiginiń Basqarma tóraǵasy (kelisim boıynsha);

- «Qazaqstan fermerleriniń qaýymdastyǵy» zańdy tulǵalardyń jáne jeke kásipkerler qaýymdastyq nysandaǵy birlestigi Basqarma tóraǵanyń birinshi orynbasary (kelisim boıynsha).

Eske salaıyq, byltyr 26 qarashada ótken saltanatty ulyqtaý rásiminde Prezıdent Qasym-Jomart Toqaev shaǵyn jáne orta bıznestiń damýyna kedergi keltiretinderdiń bári qatań jaýapqa tartylatynyn málimdegen edi.

«Shaǵyn jáne orta bıznestiń damýyna zańsyz kedergi keltiretinderdiń bári zańǵa sáıkes qatań jaýapqa tartylady. Biz aýqymdy ındýstrııalandyrýdy, ınfraqurylymdardy salýdy jáne jańǵyrtýdy qolǵa alamyz. Keń baıtaq elimizdiń ár óńiriniń damýyna tyń serpin berý mańyzdy», - degen bolatyn Memleket basshysy.

Sonymen qatar, Prezıdent Úkimetke shaǵyn jáne orta bıznesti qoldaý men damytý boıynsha sharalar qabyldaýdy tapsyrdy.