Shaǵyn bıznes úshin jalpy kólemi 1,4 mlrd. teńge jeńildetilgen nesıe bólindi - Qyzylorda oblysy
QYZYLORDA. QazAqparat - Bıyl «Damý-Aımaqtar» baǵdarlamasy sheńberinde shaǵyn jáne orta kásipkerlik sýbektileri úshin jeńildetilgen nesıe berý maqsatynda oblystyq bıýdjetten 700 mln. teńge jáne «Damý» qorynan 700 mln. teńge bólindi, - dep habarlady QazAqparat oblystyq kásipkerlik jáne týrızm basqarmasyna silteme jasap.
Jalpy kólemi 1,4 mlrd. teńge bolatyn nesıeler somasy «Qazaqstan Halyq banki» AQ (600 mln. teńge), «Fortebank» AQ (500 mln. teńge), «Qazkommertsbank» AQ (150 mln. teńge) jáne «ATF bank» AQ (150 mln. teńge) arqyly beriledi.
Qazirgi kúni atalǵan bankter baǵdarlama sheńberinde kásipkerlik sýbektileriniń jalpy quny 453,9 mln. teńge bolatyn 13 jobasyn qarjylandyrdy. Onyń ishinde Óńirlik úılestirý keńesiniń sheshimimen jalpy quny 409,6 mln. teńgeni quraıtyn 9 joba maquldandy.
Baǵdarlama talabyna saı qarjy kásipkerlerge 180 mln. teńgege deıin 8,5 paıyzben (5 jylǵa jáne 6 aıǵa deıin nesıeni óteýdi keıinge qaldyrý múmkindigimen) beriletin bolady.
