Shaǵyn balabaqshalar qosymsha 2 myń 500 oryn ashýǵa múmkindik beredi - I. Tasmaǵambetov
; ASTANA. Qarashanyń 26-sy. QazAqparat /Arman Asqarov/ - Astanada salynyp jatqan turǵyn úı keshenderiniń janynan shaǵyn balabaqshalardy ashý arqasynda biz qosymsha 2 myń 500 oryndy qamtı alamyz. Bul týraly búgin QR Premer-Mınıstri Kárim Másimovtiń qatysýymen ótken kóshpeli májilis barysynda Astana qalasynyń ákimi Imanǵalı Tasmaǵambetov málim etti,
dep habarlaıdy QazAqparat
Ákimniń sózine qaraǵanda, qala boıynsha osy sanattaǵy balabaqsha oryndarynyń jalpy aýdany 16 myń sharshy metrden asatyn bolady. «Osynyń arqasynda biz 2 myń 500 myń búldirshindi balabaqshaǵa qabyldaı alamyz», dedi I.Tasmaǵambetov.
Aıta keteıik, qazirgi kezde Astanadaǵy shaǵyn balabaqshalar «Oqjetpes», «Táýelsizdik» jáne «Evropalyq-2» turǵyn úı keshenderinde jabdyqtalýda. Jalpy mundaı oryndardy 15 turǵyn úı kesheninde ashý josparlanǵan.
