Shaǵyn aýyldar joǵary jyldamdyqty Internetpen qamtylady - vıtse-mınıstr Sáken Sársenov

ASTANA. QazAqparat - Shaǵyn aýyldar joǵary jyldamdyqty Internetpen qamtylady. Bul týraly búgin ótip jatqan áleýmettik qamsyzdandyrý salasyndaǵy aqparattyq-kommýnıkatsııalyq tehnologııalar týraly halyqaralyq konferentsııa barysynda elimizdiń QR Investıtsııalar jáne damý vıtse-mınıstri Sáken Sársenov málim etti.

Mınıstrdiń orynbasary búginde Qazaqstanda halyqtyń 70 paıyzdan astamy Internetke qol jetkizip otyrǵanyna toqtala kele: «Alaıda elemizdiń aýmaǵy úlken bolǵanymen, halyqtyń tyǵyzdyǵy óte tómen. Ásirese, aýyl turǵyndarynda Internet jyldamdyǵy boıynsha problema bar. Bul máseleni biz sheship jatyrmyz. Qazirgi kezde 250-den astam adamy bar aýyldardy bes-alty jyldyń barysynda talshyqty optıkalyq baılanyspen qamtýǵa negizdelgen baǵdarlamany Úkimet qabyldady. ıAǵnı, shaǵyn aýyldarǵa deıin jaqsy jyldamdyqty ınternetti usynýdy josparlap otyrmyz», - dedi S. Sársenov.

2004 jyldan bastap elimizde «elektrondy úkimet» júzege asyryla bastady. Búginde Qazaqstan 193 eldiń arasynda «elektrondy úkimet» boıynsha reıtıngte 28 oryndy ıelendi.

«Sonymen qatar Dúnıejúzilik ekonomıkalyq forýmnyń ındeksi aıasynda elimiz qazirgi kezde 143 memlekettiń arasynda 38-orynda turaqtady. Qazaqstanda telekommýnıkatsııalyq ınfraqurylymdar óte jaqsy damyǵan, ıaǵnı sońǵy býyndy barlyq tehnologııalar engizildi», - dedi ol.