Shaǵyn aral memleket Feısbýkten bas tartty
ASTANA. QazAqparat - Naýrý aral memleketiniń bıligi elde «Feısbýk» áleýmettik jelisin paıdalanýǵa tyıym saldy, dep jazady «VVS» agenttigi.
Brıtanııalyq BAQ-tyń habarlaýynsha, áleýmettik jelige eldegi bıleýshi partııa depýtattary tyıym salǵan. Jergilikti turǵyndar «Feısbýk» jelisine kirý múmkin emestigin rastady.
Naýrý úkimeti mundaı áreketke el turǵyndaryn arsyzdyqtan qorǵaý úshin baryp otyrǵanyn aıtty. Alaıda, oppozıtsııa muny saıası tsenzýra dep baǵalady.
Naýrý aral memleket. Kólemi shamamen 20 sharshy shaqyrymdy. Memleket turǵyndarynyń sany on myń adam.
