Shaǵym túsken joq: Quzyrly organ Aqtaý dúkenin jaılaǵan taraqandarǵa pikir bildirdi
AQTAÝ. QazAqparat – Aqtaý dúkeniniń nan sóresin jaılaǵan taraqandar týraly eshqandaı shaǵym túsken joq. Muny QazAqparat tilshisiniń saýalyna jaýap bergen Aqtaý qalalyq sanıtarlyq-epıdemıologııalyq baqylaý basqarmasynyń basshysy Asıma Jarylǵasova málim etti.
«Atalǵan vıdeodadaǵy jaǵdaı boıynsha qala turǵyndary tarapynan eshqandaı shaǵym túsken joq. Jalpy saýda-sattyq nysandary mańyzy eleýsiz obektiler qataryna jatqyzylady. Sol sebepten olar habarlama berý arqyly jumysyn iske asyrady. Sanıtarlyq-epıdemıologııalyq tekserý mańyzy eleýsiz nysandarǵa júrgizilmeıdi. Alaıda, adam densaýlyǵyna qaýip tóngen jaǵdaıda shaǵyn kásipkerlikke jarııalanǵan moratorııdi eskere otyryp, jospardan tys sanıtarlyq-epıdemıologııalyq tekserý jumystary jýrgiziledi. Moratorıı kásipkerdi sanıtarlyq talaptardy oryndaýdan bosatpaıdy. Saýda-sattyq nysandary arnaıy mamandyrylǵan mekememen kelisim shartqa otyryp, aıyna 1 ret jáne qajetinshe dezınfektsııa jumystaryn júrgizýi qajet», - dep jaýap berdi Asıma Jarylǵasova QazAqparat tilshisiniń saýalyna.
Jergilikti quzyrly organ málimetinshe, sanıtarlyq-epıdemıologııalyq tártip buzylǵany týraly aryzdy kez kelgen adam eOtinish portaly arqyly joldaı alady.
Eske sala keteıik, buǵan deıin Aqtaý dúkeninde nan ónimderiniń arasynda júrgen taraqandardyń vıdeosy taraǵanyn jazyp edik.
