Shaǵyn jáne orta bıznestiń 417 jobasy 203,7 mlrd teńgege jeńildikpen qarjylandyryldy
ASTANA. KAZINFORM — «Órleý» baǵdarlama aıasynda shaǵyn jáne orta bıznestiń 417 jobasy 203,7 mlrd teńgege jeńildikpen qarjylandyryldy. Bul týraly Úkimettiń baspasóz qyzmeti málim etti.
2025 jyldan bastap Qazaqstanda birlesken qarjylandyrý sharttarymen «Órleý» baǵdarlamasy iske qosyldy: qarajattyń 60%-yn bankter, 40%-yn «Damý» qory usynady. Baǵdarlama ınvestıtsııalyq maqsattarǵa jeńildikpen qaryz berýge, aınalym qarajatyn tolyqtyrýǵa, sondaı-aq 2025 jylǵy 1 qańtardan keıin berilgen qoldanystaǵy kredıtterdi qaıta qarjylandyrýǵa baǵyttalǵan.
Baǵdarlamanyń maqsaty – óndiristi keńeıtý, tehnologııalyq turǵyda jańartý jáne ekonomıkany ártaraptandyrý úshin qolaıly jaǵdaılar jasaý. Qarjylandyrý, eń aldymen, basym salalarǵa baǵyttalatyn bolady: óńdeý ónerkásibi, agroóńdeý, logıstıka, bilim berý, densaýlyq saqtaý jáne basqalar. Búgingi tańda jalpy somasy 203,7 mlrd teńgege 417 joba qarjylandyryldy.
Muny otandyq kásipkerlerdi qoldaýǵa jáne ekonomıkanyń naqty sektoryn damytýǵa bankterdiń belsendi túrde tartylyp jatqanynan kórýge bolady.
Al 2025 jyly jeńildetilgen qarjylandyrýǵa 271,1 mlrd teńge bólý josparlanǵan.