Shaǵyn jáne orta bıznesti de oılaýymyz kerek – mınıstr eń tómengi jalaqyny 300 myńǵa kóterý jaıly

Ortalyq kommýnıkatsııalar qyzmetinde ótken brıfıngide Eńbek jáne halyqty áleýmettik qorǵaý mınıstri Svetlana Jaqypova eń tómengi jalaqyny 300 myń teńgege kóterý bastamasyna qatysty túsinik berdi, dep habarlaıdy QazAqparat.

«Keler jyldan bastap eń tómengi jalaqy mólsheri 85 myń teńge bolady. Jalpy bul soma shekti bolyp sanalady. ıAǵnı, jumys berýshiler qyzmetkerine osydan tómen aılyq tólemeýi tıis. Sondyqtan biz bul mólsherdi eń tómengi standart dep qabyldaýymyz kerek. Ol barlyq qazaqstandyq 85 myń teńgege ómir súrip jatyr degendi bildirmeıdi. Al Qazaqstanda eń tómendi jalaqyny 300 myń teńge etip belgilesek, árıne jaqsy bolar edi. Degenmen biz shaǵyn jáne orta bıznes jaıly da oılaýymyz kerek. Atap aıtqanda olar 300 myń teńgeden tómen aılyq tólemeýi kerek jáne buǵan qosa áleýmettik tólemder jasaıdy. Sondyqtan ol kásipkerlerge aýyr tıedi. Bul rette 85 myń teńge qyzmetkerdiń qandaı da bir biliktilik talabyna qaramastan tólenetinin aıta ketý kerek», - dep túsindirdi Svetlana Jaqypova BAQ ókilderiniń saýalyna jaýap bere otyryp.

Eske salaıyq, buǵan deıin Májilis depýtaty Rınat Zaıtov eń tómengi aılyq 300 myń teńge bolýy kerek degen usynys aıtqan edi.

Keıin buǵan qatysty Premer-Mınıstrdiń orynbasary Tamara Dúısenova da pikir bildirdi.

1 qyrkúıekte Qazaqstan halqyna Joldaýyn jarııalaǵan Prezıdent Qasym-Jomart Toqaev eń tómengi jalaqy mólsherin 85 myń teńge deıin kóterýdi tapsyrǵan edi.