Shaǵyn jáne orta bıznesti damytýǵa aıryqsha mán berip otyrmyn — Prezıdent

ASTANA. KAZINFORM — Bul týraly Memleket basshysy Qasym-Jomart Toqaev «Altyn sapa» jáne «Paryz» syılyǵynyń laýreattaryn, «Qazaqstannyń úzdik taýary» respýblıkalyq kórme-konkýrsynyń jeńimpazdaryn marapattaý rásiminde aıtty. 

— Men Memleket basshysy retinde shaǵyn jáne orta bıznesti damytýǵa aıryqsha mán berip otyrmyn, negizgi máseleniń bári de meniń jeke baqylaýymda. Úkimet kásipkerlikti jandandyrý úshin aýqymdy jumys istep jatyr, kedergilerdi joıý úshin naqty sharalar qoldanýda. Degenmen, áli de sheshimin tappaǵan ózekti máseleler men túıtkilder az emes, ony biz ashyq túrde moıyndaımyz. Eń aldymen, qosylǵan quny joǵary sapaly ónim óndiretin shaǵyn bızneske barynsha jaǵdaı jasalýy qajet. Memleket tarapynan tıisti qoldaý kórsete otyryp, kásipkerlerimizdiń óz isterin keńeıtip, jańa deńgeıge shyǵýyna serpin bergen jón. Muny kásipkerlikti damytý saıasatynyń mańyzdy sharty dep aıtsaq, artyq bolmaıdy, — dedi Memleket basshysy. 

Aıta keteıik, búgin Prezıdent «Meıirim» ordenin taǵaıyndady.

Osy jıynda Prezıdent elimizde tabysty bıznespen aınalysýǵa qolaıly jaǵdaı jasalǵanyn aıtty.