Shaǵyn jáne orta bıznes sýbektilerinde qansha adam jumys isteıdi

ASTANA. KAZINFORM – Shaǵyn jáne orta bıznes sýbektilerinde 4,4 mln adam jumyspen qamtylǵan. Bul týraly Ulttyq ekonomıka mınıstrligi Kásipkerlikti memlekettik qoldaý jáne qorǵaý departamentiniń dırektory Daryn Ábdýáli aıtty.

- Búgingi tańda Úkimet bıznesti júrgizý jaǵdaılaryn jaqsartý jáne ákimshilik júktemeni azaıtý boıynsha júıeli sharalardy, sondaı-aq kásipkerlik sektordy memlekettik yntalandyrýdyń tikeleı sharalaryn iske asyrýda. Kásipkerlikti damytý ulttyq ekonomıkanyń turaqty damýynyń mańyzdy faktory sanalady. Resmı statıstıka derekterine sáıkes, ótken jyly jalpy ishki ónimdegi shaǵyn jáne orta bıznes úlesiniń ósýi baıqalady. 2024 jyldyń 4-toqsanynda ekonomıkadaǵy ShOB úlesi 39,7 paıyzdy qurady. Bul 2023 jyldyń uqsas kezeńinen 3,2 paıyzdyq tarmaqqa artyq, - dedi departament basshysy Ortalyq kommýnıkatsııalar qyzmetindegi brıfıngte.

Darhan Ábdýáliniń dereginshe, 2024 jyly jumyspen qamtylǵandardyń jalpy sany 2,2 paıyzǵa artyp, 4,4 mln adamǵa jetti.

- ShOB sýbektileriniń ónim shyǵarý kólemi 2024 jylǵy 4-toqsanda 19,2 paıyzǵa ulǵaıyp, 81 trln teńgeni qurady, - dedi ol.

Aıta keteıik, byltyr Qazaqstanda 1 mln-nan asa áıel shaǵyn jáne orta bıznesti basqarǵan. Bul shaǵyn jáne orta kásipkerlik (ShOK) sýbektileriniń jalpy sanynyń 48,1 paıyzyn quraıdy.