Shaǵyn kásipkerler toqsan saıyn salyq tóleýden bosatylady
ASTANA. KAZINFORM — Qarjy mınıstri Mádı Takıev Úkimet otyrysynda 2026 jyldan bastap salyq esebin tapsyrmaǵandarǵa aıyppul salynbaıtynyn eske saldy.
— Biz salyq eseptiligin birtindep qysqartyp kelemiz. Salyq eseptiligi nysandarynyń sany jyl saıyn azaıyp otyr. Mysaly, 2009 jyldan beri 70-ten 28-ge deıin nemese 60% qysqardy. Endi 2026 jylǵy 1 qańtardan bastap mindettemeleriniń somasy 1 mln teńgeden aspaıtyndar úshin múlik, kólik jáne jer salyqtary boıynsha aǵymdaǵy tólemderdiń toqsan saıynǵy esep aıyrysýlary kúshin joıady. Kásipker jyl qorytyndysy boıynsha bir deklaratsııa tapsyryp, jyl qorytyndysy boıynsha tóleıtin bolady, — dedi ol.
Aıtýynsha, salyq esebin usynbaǵany úshin aıyppul salý praktıkasy joıylady.
— Eger deklaratsııa tapsyrylmaǵan bolsa, ol nóldik kórsetkishtermen berildi dep esepteledi. Bul rette qosymsha eseptilikti berý jáne derekterdi durys naqtylaý quqyǵy saqtalady, — dedi Mádı Takıev.
Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylanyp jatyr.