Shaǵyn fýtboldan álem chempıonatynda Qazaqstan quramasy Polshadan jeńildi

ASTANA. KAZINFORM — Shaǵyn fýtboldan Qazaqstan áýesqoılar quramasy Ázerbaıjan astanasy Baký qalasynda jalaýyn kótergen álem chempıonatynda Polshadan jeńildi.

Dúbirli doda Búkilálemdik shaǵyn fýtbol federatsııasy (WMF) aıasynda ótkizilip jatyr.

Alǵashqy oıynda qazaqstandyq qurama Polshamen kezdesti. Oıyn barysynda qarsylasyna 1:2 esebimen ese jiberdi.

El quramasynan Dmıtrıı Dvırnyı 21-mınýtta esep ashqan edi. Odan keıin polshalyq Artýr Koşna 39-mınýtta tarazy basyn teńestirse, Petr Makovskı 45-mınýtta óz quramasyna jeńis syılady.

Bıyl atalǵan týrnırge barlyǵy 32 qurama qatysyp jatyr. Onda Qazaqstan quramasy F tobynda synǵa túsedi. Qarsylastary — AQSh, Bosnııa jáne Gertsogovına, Polsha.

Endi Qazaqstan quramasy 24 mamyrda Bosnııa jáne Gertsogovına, 26 mamyrda AQSh-pen oınaıdy.

Otandastarymyz 2023 jyly álem chempıonatynda Rýmynııaǵa (2:2, penaltıden 11:12) ese jiberip qoıdy.

Álem chempıonaty 1 maýsymda máresine jetedi.