Shaǵymnan keıin Kazakhstan shokoladynyń quramy tekserildi: saraptama ne kórsetti
ASTANA. KAZINFORM — Elde jáne shetelde tanymal bolǵan Kazakhstan shokoladynyń quramy tekserildi. Bul týraly Aýyl sharýashylyǵy vıtse-mınıstri Azat Sultanov málim etti.
Onyń aıtýynsha, jelide taraǵan rezonansty vıdeodan keıin «Rahat» kompanııasynyń shokoladynyń quramyn tekserý úshin saraptama jasaldy.
— Maı nemese qant mólsheri boıynsha standarttan eshqandaı aýytqýlar anyqtalǵan joq. Óndiristegi talaptar saqtalǵan, — dedi Azat Sultanov Úkimette ótken baspasóz máslıhatynda.
Aıta keteıik, 2026 jylǵy 1 maýsymnan bastap Qazaqstanda kondıterlik ónimderdi tańbalaý boıynsha pılottyq joba bastaldy.
EAEO kelisimine sáıkes, tańbalaýǵa kondıterlik ónimderdiń negizgi sanattary jatady. Olardyń qatarynda qantty kondıterlik ónimder, shokolad jáne shokolad ónimderi, pechene, vaflı, unnan jasalǵan kondıterlik ónimder, marmelad, djemder, jemis jáne jańǵaq pastalary, sondaı-aq ónimniń basqa da túrleri bar.
