«Shadrınskoe» sútin tekserý jónindegi jumystyń qorytyndysy shyǵaryldy - baspasóz máslıhaty
ASTANA. Qańtardyń 20-sy. QazAqparat /Quralaı Orynbekqyzy/ - QR Indýstrııa jáne saýda mınıstrligi Tehnıkalyq retteý jáne metrologııa komıtetiniń «Shadrınskoe» sútin tekserý jónindegi jumysynyń qorytyndysy shyǵaryldy.
Atalmysh másele QR Aýyl sharýashylyǵy mınıstrliginiń azyq-túlik taýarlarynyń qaýipsizdigi jónindegi 14-shi otyrysynda kóterildi. Bul týraly búgin «Shadrınskoe» markasymen shyǵatyn sút óniminiń QR zańnamasynyń talaptaryna sáıkes kelmeýine qatysty» atty baspasóz máslıhatynda aıtyldy, dep habarlaıdy QazAqparat tilshisi.
«Qazaqstan aýmaǵynda satylatyn «Shadrınskoe» markasymen shyǵatyn sút ónimderiniń syrtynda «Reseı Federatsııasynyń aýmaǵynda satý úshin emes» degen sózder jazylǵan. Osyǵan baılanysty Tehnıkalyq retteý jáne metrologııa komıteti der kezinde osy máseleni qolǵa alyp, Komıtettiń aýmaqtyq departamentterine tapsyrmalar berildi, jospardan tys tekserister ótkizildi. Tekseristerdiń qorytyndysy boıynsha, osyndaı tańba jazylǵandyǵy dáleldendi, sondaı-aq tańbalaý jónindegi qazaqstandyq tehnıkalyq reglamenttiń saqtalmaǵandyǵy anyqtaldy», dep atap ótti Komıtettiń sarapshysy Aıgúl Qasymova.
A.Qasymovanyń aıtýynsha, «Shadrınskoe» sútine qatysty Komıtettiń jumysy munymen aıaqtalǵan joq. «Biz «ıÝNIMILK-Qazaqstan» JShS-men hat almasýdamyz, sondaı-aq osy kompanııanyń reseılik ókildigine de tıisti hattar jiberildi. Olar bizdiń anyqtaǵan zańbuzýshylyqtardy eskerip, tıisti is-sharalardy qolǵa alýda. «Shadrınskoe» markasymen shyǵatyn 1 026 474 sút ónimi satylymnan alyp tastalynyp, qazirdiń ózinde jańa etıketkalarǵa ótý jumystary bastaldy», dedi.
QazAqparat anyqtamasy: ıÝNIMILK kompanııasy 2002 jyly qurylǵan. 2004 jyly ıÝNIMILK sút ónimderi aktıvterin holdıng aıasyna biriktirildi. Qazir holdıngke jylyna shamamen 612 myń tonna sút ónimderin shyǵaratyn Reseı men Ýkraınanyń 15 sút kásiporyndary kiredi. Qazaqstanda «Shadrınskoe», «ıAlýtorovskoe», «Prostokvashıno» sııaqty saýda markalaryn usynady.
