«Shadrın» sútine sáıkestik sertıfıkattaryn bergen quzyrly organdar ákimshilik jaýapqa tartyldy - Indýstrııa vıtse-mınıstri
ASTANA. Aqpannyń 3-i. QazAqparat /Gúlmıra Álıakparova/ - «Reseı aýmaǵynda satylýǵa arnalmaǵan» tańbasy bar «Shadrın» sútiniń 1 mıllıonnan astam danasy qazaqstandyq dúken sórelerinen alyndy. Ónim sáıkestik sertıfıkaty jańadan berilgennen keıin ǵana satyla bastaıdy. Bul týraly búgin ótken brıfıngte QR Indýstrııa jáne saýda mınıstrligi Tehnıkalyq retteý jáne metrologııa jónindegi komıtet tóraǵasynyń orynbasary Erjan Amanııaz málim etti,
dep habarlaıdy QazAqparat.
Syrtqy qaptamasynda «Reseı Federatsııasynyń aýmaǵynda satylýǵa arnalmaǵan» degen jazýy bar «Shadrın» sútiniń aınalasyndaǵy daý-damaı ótken jyldyń qazan aıynda bastaldy. Indýstrııa mınıstrligi ónimniń Qazaqstannyń zańnamalary men tehnıkalyq reglamentterine qanshalyqty sáıkes keletindigine jiti tekseris jasady. Aqyrynda, reseılik ónimdi Qazaqstan aýmaǵynda satýǵa tyıym saldy. Al jýyrda Tehnıkalyq retteý jáne metrologııa jónindegi komıtettiń (TRMJK) aımaqtaǵy departamentteri, atalmysh súttiń satylýyna ruqsat qaıta berilgendigi týraly málimet taratty.
E.Amanııaz búgingi brıfıngte departamentterdiń taratqan aqparaty shyndyqqa janaspaıtynyn jáne olar bul úshin jaýapqa tartylǵandyǵyn málim etti.
E.Amanııazdyń aıtýynsha, sútke júrgizilgen tekseris nátıjesinde birneshe buzýshylyqtar anyqtalǵan. Máselen, ónimniń tańbalanýynda kásiporynnyń zańdy meken-jaıy kórsetilmegen, ekinshiden, «pıtevoe» sózi memlekettik tilge aýdarylmaǵan. Úshinshiden, qaptamada ónimniń qandaı shıkizattardan jasalǵandyǵy jazylmaǵan. Al súttiń sapasynda Komıtet ókiliniń sózine qaraǵanda, esh kinárat tabylmady.
Atalǵan buzýshylyqtardyń anyqtaýlyna baılanysty Qazaqstan aýmaǵynda ónimdi satýǵa tyıym salynyp, jalpy somasy 102 mıllıon 517 myń teńgeniń 1 mıllıonnan astam dana sút qalbyry dúken sórelerinen alyndy. Al Reseılik taýardyń Qazaqstandaǵy ókildigi - «ıÝnımılk Qazaqstan» JShS anyqtalǵan kemshilikterdi joıýy tıis. Indýstrııa mınıstrligi kemshilikter joıylǵannan keıin de atalmysh ónimdi saraptamaǵa qaıta almaq. Budan keıin JShS ónimge sáıkestik sertıfıkatyn jańadan alýy tıis bolady.
E.Amanııazov, reseılik óndirýshiler óndirip otyrǵan ónimderiniń syrtyna «RF aýmaǵynda satylýǵa arnalmaǵan» tańbasyn nelikten bastyrǵanyn da túsindirip ótti. Máselen, atalmysh tańbalary bar ónimniń Qazaqstan aýmaǵyna ákelingennen biraz ýaqyt buryn, Reseıde sút óndirisinde qurǵaq jáne qaıta qalpyna keltirilgen sútti paıdalanýshylarǵa qatysty tehnıkalyq reglamentter kúsheıtilgen. ıAǵnı eger ónim atalǵan eki shıkizattan jasalǵan bolsa, onyń qaptamasynda ol kórsetilýi tıis. Tabıǵı sútterdiń janynda básekege tótep bere almaı, óz satyp alýshylaryn joǵaltqan reseılik kásipker, qaıta qalpyna keltirilgen sútten daıyndalyp otyrǵan «Shadrın» sútiniń qaptamasyn ózgertip, eskporttan paıda tabýdy kózdeıdi.
Al ónimniń qaptamasyndaǵy buzýshylyqtardy kóre tura, oǵan sáıkestik sertıfıkatyn bergen organdar men QR Indýstrııa mınıstrliginiń úsh aımaqtaǵy departamentteri, E.Amanııazdyń aıtýynsha, ákimshilik jaýapqa tartyldy.
Sondaı-aq onyń sózine qaraǵanda, reglamentke sáıkes kelmeıtin «Shadrın» sútin tek iri saýda ortalyqtarynyń satylymynan alyp tastaýǵa múmkindik bar. Sebebi, respýblıka boıynsha bul máselemen aınalysatyn tek 176 ınspektor ǵana bar. Sondyqtan kishi-girim dúkenderde ónimniń saýdasy jalǵasa bermek.
Aıta keterlik taǵy bir jáıt, Indýstrııa mınıstrligi bıyl, kúmán týǵyzatyn tańbalary bar ımporttyq taýarlardy, onyń ishinde balalardyń oıynshyqtaryn, kıim-keshekter men qurylys materıaldaryn, barlyǵy ónimniń 5 myń túrin saraptaýdan ótkizýdi kózdep otyr.
