«Shabyttyń» shákirtteri balyq emes - Jastar qozǵalysy shatyry tesik ýnıversıtetti synap fleshmob ótkizdi
Qozǵalys belsendileriniń mundaı shara uıymdastyrýyna BAQ-taǵy málimetter túrtki bolǵan. Ol aqparatty áleýmettik jeli qoldanýshylary ilip áketip, shatyrdan aqqan qar sýyna shelek tosyp qoıǵan sýretter men vıdeolar taratyp jatyr.
«Jańa adamdar» qozǵalysy ókilderiniń aıtýynsha, ýınversıtettiń osynaý pushaıman kúıin «Shabyt» teatryna qoıylym qoıý úshin kelgen sheteldik ártister de kýá bolǵan.
«Ýnıversıtettiń shuryq-tesik shatyry men zalda turǵan qalyń shelek QazUÓÝ stýdentteri úshin úırenshikti kóriniske aınalǵan. Kónbistiktiń kesirinen bul qalypty jaıtqa aınalyp otyr. Biraq olaı bolmaýy kerek! Stýdentter yńǵaıly jáne qaýipsiz jaǵdaıda bilim alýǵa quqyly. Jańa Qazaqstan dál osyndaı ózgeristerden, kire beristerden, aýlalardan, kóshelerden, oqý oryndarynan bastalady. Bul ınfraqurylymnyń ǵana máselesi emes, jaýapkershilik máselesi de», - deıdi «Jańa adamdar» jastar qozǵalysynyń belsendisi Álıhan Sársenov.
«Shelek shabytty qurtady» fleshmoby arqyly jastar oqý ornynyń basshysyna úndeý tastady.
«Shabyttyń» oqýshylary balyq nemese súńgýir emes. Olar shyǵarmashylyqpen qalypty jaǵdaıda aınalysýǵa tıis.
Biz QazUÓÝ basshylyǵyna osy máseleni sheshýdi nemese laıyqty jandarǵa oryndaryn bosatýdy usynamyz», - delingen qozǵalystyń Telegramm-paraqshasynda.
