«Shabyt» baıqaýynda Sherhan Murtaza atyndaǵy syılyq berilmek
ASTANA. QazAqparat - HHІ «Shabyt» halyqaralyq shyǵarmashyl jastar festıvaline qatysýǵa ótinimderdi qabyldaý áli bir apta boıy jalǵasady. Bul týraly QazAqparat Astana qalasynyń mádenıet jáne sport basqarmasyna silteme jasap habarlaıdy.
Atalmysh shara qarashanyń 5-i men 9-y aralyǵynda ótedi. Shyǵarmashylyq básekege qatysam deýshiler materıaldardy 30 qazanǵa deıin Astana qalasynyń mádenıet jáne sport basqarmasyna joldaýy kerek, nemese www.shabyt-astana.kz saıtynda onlaın ótinimdi toltyrady. Úmitkerlerdiń jasy 16-dan 35-ke deıin bolýy shart.
Bir apta boıy jas talanttar qalanyń úzdik alańdarynda óner kórsetedi, atap aıtqanda,
«Astana» kontsert zalynda, Qazaq ulttyq óner ýnıversıtetiniń sahnalarynda, «Jastar» teatrynda, Beıbitshilik jáne kelisim saraıynda jáne t.b.
Osy kúnge deıin «Shabyt» festıvali tek qazaqstandyq qana emes, sonymen qatar sheteldik juldyzdardyń jolyn ashatyn bedeldi shara ekendigin dáleldedi. Asha Mataı, Qaırat Baekenov, Tursynbek Qabatov syndy artıster, «Melomen» toby jáne basqalary ár jyldary Gran-prı ıegerleri atanǵan.
Eske salaıyq, bıyl festıval basty 5 nomınatsııa boıynsha ótedi: «Klassıkalyq mýzyka», «Halyq mýzykasy», «Estradalyq vokal», «Horeografııa» jáne «Jýrnalıstıka». Onyń ústine, olardyń keıbiri sektsııalarǵa bólingen.
Mysaly, «Klassıkalyq mýzykada» 4 ishki nomınatsııa bar. Onyń ishinde - aǵash úrmeli aspaptar (fleıta, goboı, klarnet, fogot, saksofon), mys úrmeli aspaptar (valtorna, trýba, trombon, týba), soqpaly aspaptar jáne kameralyq ansambl.
«Halyq mýzykasy» nomınatsııasy boıynsha qatysýshylar «Qobyz», «Prıma-qobyz», «Sherter», «Bas-sherter», «Prıma-dombyra» sııaqty ishki nomınatsııalarda saıysqa túsedi. «Horeografııada» konkýrs halyq bıi baǵytynda bı ujymdary men jeke oryndaýshylar arasynda ótedi.
Dástúr boıynsha óner salalaryn barynsha qamtý maqsatynda festıval nomınatsııalary jyl saıyn aýysyp otyrady. Sońǵy alty jyldyń ishinde bıyl alǵash ret konkýrstyń uıymdastyrý komıteti «Jýrnalıstıka» nomınatsııasyn qosyp otyr. Sektsııa elordamyzdyń 20 jyldyq mereıtoıyna arnalady.
Úmitkerler Televıdenıe: «jańalyqtar sıýjetteri», «baǵdarlama sıýjetteri jáne derekti fılmder», jáne ınternet-resýrstar sektsııalary boıynsha qatysady. Festıvaldiń shartyna sáıkes, BAQ-ta ondaǵan jyldar boıy qyzmet etip júrgen bedeldi jýrnalısterden quralǵan qazylar alqasy birinshi týrda qatysýshylardyń daıyn jumystaryn qarap, irikteıdi. Ekinshi týrda televıdenıe qyzmetkerleri hronometrajy 3 mınýttan aspaıtyn telesıýjet, al ınternet-resýrstarda jumys isteıtinder fotoreportaj daıyndaý kerek. Barlyq jumystardyń basty taqyryby Astananyń 20 jyldyǵy jáne elordamyzdyń damýy bolýy kerek.
Ár nomınatsııa boıynsha Gran-prı ıegerleri men júldeli oryn alǵandar aqshalaı syılyqtarmen jáne «Shabyt» festıvaliniń dıplomdarymen marapattalady. Gran-prı ıegerlerine - 350 myń teńge, birinshi oryn alǵandarǵa - 300 myń teńge, ekinshi oryn úshin - 250 myń teńge jáne úshinshi orynǵa - 200 myń teńge beriledi. Budan basqa, árbir sektsııa boıynsha uıymdastyrýshy- elordalyq Mádenıet jáne sport basqarmasy arnaıy syılyqtar men quny 80 myń teńgelik ataýly dıplomdar ázirledi. Atap aıtqanda, «Jýrnalıstıka» nomınatsııasynda ataýly syılyq qazaq jazýshysy, jýrnalıst Sherhan Murtazany eske alýǵa arnalady.
Eske sala keteıik, «Shabyt» halyqaralyq shyǵarmashyl jastar festıvaliniń baǵdarlamasyna «Jýrnalıstıka» atalymy Astananyń 20 jyldyǵyn merekeleýge oraı alty jyldan soń qaıta engizilgendigi týraly jazǵan bolatynbyz.
