«Shabyt-2010» festıvaliniń bas júldesi - QR Prezıdenti Kýbogi Ózbekstan ónerpazdarynyń qanjyǵasynda ketti
ASTANA. 8 qarasha. QazAqparat /Jasulan Amanbaıuly/ - Astanada 3 qarasha kúni shymyldyǵyn ashqan HІІІ «Shabyt» halyqaralyq shyǵarmashyl jastar festıvalinde QR Prezıdenti Kýboginiń ıegeri bolyp Ózbekstannyń «Feruz» atty ishekti ansambli atandy. Tashkenttik óner ujymyna Prezıdent Kýbogin Astana ákiminiń orynbasary Aıda Balaeva tabystady.
Bunyń aldynda aıtylǵanyndaı, Italııa, Ispanııa, Polsha, Frantsııa, Qyrǵyzstan, Ózbekstan jáne Qazaqstan elderiniń ókilderinen quralǵan qazylar alqasy «Shabyt» shyǵarmashyl jastar festıvaliniń laýreattary men dıplomanttaryn anyqtady.
«Ádebıet» atalymynda bas júldeni Azamat Tasqara (Astana) ıelendi. «Halyq ánderi» atalymynda jeńiske Anastasııa Kılbıýshkına (Reseı) jetti. «Jýrnalıstıka» atalymynda «Era» telearnasynyń tilshisi Maksım Rojın (Astana), «Beıneleý óneri» atalymynda Beıbit Asemqul (Astana), «Horeografııa» atalymynda Astana qalasynyń Memlekettik fılarmonııasynyń «Shalqyma» bı ansambli, «Estrada vokaly» atalymynda Gúlsim Myrzabekova (Qaraǵandy), «Jeke án salý» atalymy boıynsha Jámılá Jarqymbaeva, «Kameralyq ansambl» atalymynda «Ferýz» ishekti kvarteti (Tashkent) jeńip aldy.
Barlyq qatysýshylar estelik dıplomdarymen marapattaldy. Al birqatar ónerpazdar qazylar alqasynyń sheshimimen festıvaldiń arnaıy syılyqtaryna ıe boldy.
Bir aptaǵa sozylǵan óner órenderiniń baıqaýyna Reseı, Qazaqstan, Ózbekstan, ıAkýtııa, Qazan, Belarýs jáne basqa da shet memleketterinen 600-den astam úmitker qatysqan bolatyn.
