Shabýyldardan keıin Beıjińde qaýipsizdik sharalary kúsheıtildi
ASTANA. QazAqparat - Qytaıdyń kóliktik nysandaryna birqatar shabýyldardan keıin Beıjińde qarýlanǵan polıtseıler qatarynan arnaıy sholǵynshylar kezekshilikke shyǵyp jatyr.
Qytaılyq bıliktiń habarlaýynsha, osyndaı bólimshelerdi kúsheıtýge lańkestikpen kúres salasynda aǵymdaǵy kúrdeli ahýal sebep boldy.
Ár sholǵynshy mashınanyń ekıpajy 9 polıtseıden jáne tórt kómekshiden turady eken.
2014 jyldyń naýryzynda Kýnmın qalasynyń vokzalynda qarýlanǵan toptyń basyp alýynan 29 adam qaza taýyp, 143-i jaraqattandy.
30 sáýirde Qytaıdyń soltústik-batysyndaǵy Shyńjań-Uıǵyr avtonomııalyq ólkesiniń ortalyǵy - Úrimji qalasynyń temirjol vokzalynda oryn alǵan lańkestik nátıjesinde 3 adam qaza taýyp, 79 adam jaralandy,
Qytaıdyń ońtústigindegi Gýanchjoý qalasynyń temir jol vokzalynda sýyq qarýmen qarýlanǵan belgisiz adamdardyń shabýylynan alty adam jaralandy.
