Shabýylshy Ivan Svırıdov ulttyq quramaǵa shaqyrtý aldy

ASTANA. KAZINFORM — «Elimaı» (Semeı) klýbynyń shabýylshysy, 21 jastaǵy Ivan Svırıdov fýtboldan Qazaqstan ulttyq quramasyna shaqyrtý aldy.

Qazaqstan fýtbol federatsııasynan málim etkenindeı, I.Svırıdov el chempıonatynda jaraqat alǵan «Astana» oıynshysy Ramazan Kárimovty almastyratyn bolady. 

I.Svırıdov Dýbaıda oqý-jattyǵý jıynyn ótkizip jatqan ulttyq quramaǵa qosylady. 
Ivan Svırıdov ótken jyly «Shahter» (Qaraǵandy) quramynda 23 matchta 7 goldyń avtory atandy. Bıyl «Elimaı» quramynda eki oıyn ótkizdi.

Aıta keteıik, 21 naýryzda Qazaqstan quramasy Afınyda Ulttar lıgasy pleı-off básekesiniń jartylaı fınalynda Grekııamen synǵa túsedi. Ekinshi jartylaı fınalda Grýzııa men Lıýksembýrg jasyl alańǵa shyǵady. 26 naýryzda ótetin fınal jeńimpazy 2024 jylǵy Eýropa chempıonatyna joldama alady.