Shabýyl jasalǵan nysan Kaspıı qubyr konsortsıýmyna tıesili emes — konsortsıýmnyń baspasóz hatshysy

ASTANA.KAZINFORM — «Kropotkınskaıa» munaı aıdaý stansasyndaǵy jaǵdaı áli ózgerissiz. Bul týraly búgin Kazunform tilshisine Kaspıı qubyr konsortsıýmynyń baspasóz qyzmeti habarlady.

— Stantsııa jumys istemeıdi, qalpyna keltirý jumystary júrip jatyr. Munaı qubyry jumys istep tur, tıeý jumystary ádettegideı júrip jatyr, — dep jaýap berdi KQK baspasóz hatshysy Ilıa Arhıpov.

Sonymen qatar reseılik BAQ pen Telegram arnalary 19 naýryzda KQK ınfraqurylymyna taǵy bir dron shabýyly jasalǵanyn habarlady.

— Shabýyl jasalǵan nysan KQK-ǵa tıesili emes, — dep túsindirdi Ilıa Arhıpov.

2025 jyldyń 17 aqpanynda Kaspıı Qubyr konsortsıýmynyń munaı tasymaldaý obektisi «Kropotkınskaıa» munaı aıdaý stantsııasyna dronmen shabýyl jasaldy.
Qazaqstannyń «PetroCouncil» munaı-gaz keńesiniń tóraǵasy Asylbek Jákıevtiń pikirinshe, 2 aı ishinde soqqy saldaryn joıý optımıstik stsenarıı bolyp sanalady.

KQK aktsıonerleri sol kezde dron shabýylynan keıin jóndeý jumystaryn júrgizýdi qoldaıtyndyqtaryn málimdedi.

7 naýryzda Energetıka vıtse-mınıstri Álibek Demeýov Qazaqstan naýryz aıynda KQK boıynsha munaı aıdaý kólemin qysqartatynyn habarlady.