Sh.Ýálıhanov atyndaǵy Kókshetaý memlekettik ýnıversıteti 20 jyldyǵyn atap ótti
KÓKShETAÝ. QazAqparat - Búgin Aqmola oblysynyń ákimi Sergeı Kýlagınniń qatysýymen Shoqan Ýálıhanov atyndaǵy Kókshetaý memlekettik ýnıversıtetiniń 20 jyldyǵyna arnalǵan saltanatty shara ótti. Bul týraly oblys ákiminiń baspasóz qyzmetinen habarlady.
Ýnıversıtet ujymyn quttyqtaýǵa kelgenderdiń arasynda QR Bilim jáne ǵylym mınıstrliginiń ókilderi, QR Parlamenti Senatynyń depýtaty Jabal Erǵalıev, Ispanııa, Latvııa, Italııa jáne Reseıdiń joǵary oqý oryndarynyń ǵalymdary, elimizdegi joǵary oqý oryndarynyń basshylary men oqytýshylary jáne stýdentteri qatysty.
Quttyqtaý sózinde aımaq basshysy irgeli bilim ordasynyń oblystyń ıntellektaýldy áleýettin qalyptastyrý jáne pedagog kadrlardy daıyndaý júıesin jetildirýde teńdesiz úles qosyp otyrǵanyn atap ótti.
«...Aqmola oblysynda joǵary bilim berýde baı dástúrler qalyptasqan. Sonyń ishinde bizdiń basty maqtanyshymyz - Sh.Ýálıhanov atyndaǵy Kókshetaý memlekettik ýnıversıteti. Ótken ǵasyrdyń orta tusynda muǵalimder ınstıtýty bolyp bastaý alǵan bul oqý orny búginde oblysymyzdyń jetekshi, mańdaıaldy bilim ordasy, óńirimizdiń ǵylymı ortalyǵyna aınaldy...», - deı kele, aımaq basshysy atalǵan JOO-nyń ozat 10 oqytýshysyna alǵys hat tapsyrdy.
Osy kúni bilim ordasy 86-y mamandyq boıynsha kadrlardy daıarlaıdy. Onyń 53-shi bakalavarıat, 28-i magıstratýra jáne 5-ýi PhD-doktorantýra mamandyqtary. Oǵan qosa ýnıversıtette professorlyq-oqytýshylar ujymy jumys isteıdi. Olardyń arasynda 12 akademııa ǵylymdarynyń múshesi, 20 ǵylym doktory, 80 ǵylym kandıdaty, 2 PhD doktory, 175 magıstrant jáne 25 «QR JOO eń úzdik oqytýshylary» memlekettik grantynyń ıegeri.
