Sh.Aımanov fılmderi jańǵyrtylyp, sandyq tasymaldaǵyshta jaryq kóredi
ASTANA. QazAqparat - «Qazaqfılm» kınostýdııasy aǵymdaǵy jyly Sháken Aımanovtyń 100 jyldyq mereıtoıy aıasynda kınorejısserdiń fılmderin jańǵyrtyp, sandyq tasymaldaǵyshta jaryqqa shyǵarmaq. Bul jaıynda kınostýdııanyń resmı saıty habarlady.
Kórnekti kınorejısserdiń mereıtoıyna arnalǵan saltanatty is-sharalar baǵdarlamasynda kitaptar, esseler men monografııalar, Sh.Aımanovtyń sóılegen sózderi jazylǵan dıski bar fotoalbom shyǵarý, onyń ómiri men shyǵarmashylyǵyna arnalǵan derekti fılm túsirý jáne túsirgen fılmderin jańǵyrtyp, sandyq tasymaldaǵyshta jaryqqa shyǵarý kózdelgen.
Sonymen qatar qyrkúıek aıynda dańqty rejısserdiń 100 jyldyq mereıtoıy aıasynda ótetin «Eýrazııa» H halyqaralyq kınofestıvali barysynda túsirgen fılmderin kórsetip, «Qazaqfılm» kınostýdııasynda Sh.Aımanov atyndaǵy Qazaq kınosy murajaıyn ashý josparanyp otyr.
