Sh. Aımanov atyndaǵy «Qazaqfılm» kınostýdııasynyń ónimderi Máskeýde

ASTANA. 18 qazan. QazAqparat - Sh. Aımanov atyndaǵy «Qazaqfılm» kınostýdııasynyń kartınalaryn Máskeýde Reseılik kıno qorymen Red Square Screenings halyqaralyq kınoındýstrııasynyń has-sheberleri úshin uıymdastyrylǵan aýqymdy kórsetilimder aıasynda usynylady.

Bul týraly Qazaqfılmniń baspasóz qyzmetinen habarlady.

Jetekshi sheteldik dıstrıbýtorlar, sales-agenttikter, halyqaralyq baspasóz jáne festıvaldik irikteýshiler úshin Reseı jáne TMD elderiniń jańa kınojobalarynyń kórsetilimi ótkiziletin jyl saıynǵy halyqaralyq is-shara 15-20 qazan aralyǵynda ótedi. Red Square Screenings qatysýshylary sharanyń seriktesteri - Ýkraına men Qazaqstannyń jańa fılmderimen tanysady. Kınobaıqaýda Ýkraınany Kınematografııa máseleleri jónindegi memlekettik agenttiktiń dırektory Ekaterına Kopylova, Qazaqstandy Sh.Aımanov atyndaǵy «Qazaqfılm» AQ-nyń prezıdenti Ermek Amanshaev tanystyratyn bolady.

Shara aıasynda kınostýdııanyń sońǵy jyldary túsirgen fılmderi kórsetiledi:

1. «Jaýjúrek myń bala», rejısseri Aqan Sataev;

2. «Lıkvıdator», rejısseri Aqan Sataev;

3. «A-ǵa oralý», rejısseri Andreı Mıhalkov-Konchalovskıı;

4. «Syrly orman», rejısseri Ahat Ybyraev;

5. «Vırtýaldy mahabbat», rejısseri Ámir Qaraqulov.

Kórsetilim úshin tańdalǵan barlyq kartınalar sońǵy jyldary túsirilgen basqa da júzdegen reseılik fılmdermen birge vıdeokitaphanada is-shara ótkiziletin kúnderi jáne jyl boıy onlaın rejiminde qoljetimdi bolady.

Іs-sharanyń jumysy týraly kıno jóninde qalam terbeıtin jetekshi álemdik basylymdar: Variety, Screen International, The Hollywood Reporter, Filmbulletin jáne taǵy basqalarynyń ókilderi aqparat taratatyn bolady.