Seıtqazy Mataev Astanada aýrýhanaǵa jatýdan bas tartty
ASTANA. QazAqparat - ASTANA. QazAqparat - Aıyptalýshy Seıitqazy men Áset Mataevty Sybaılas jemqorlyqqa qarsy qyzmet mamandary 3 tamyz kúni Astanada ótetin sot otyrysyna alyp keldi, dep habarlady Jemqorlyqqa qarsy is-qımyldar Ulttyq bıýro baspasóz qyzmetinen.
Eske sala keteıik, 2016 jyldyń 24 aqpan kúni sot qaýlysy boıynsha Seıitqazy Mataev úı qamaqqa alynǵan.
2016 jyly 21 shildede Almaty q. prokýratýrasy kúdikti Mataev S. isin Astana q. №2 Esil aýdandyq sotyna joldady.
Aǵymdaǵy jyly 27 shildede sot Seıtqazy Mataevtyń úıqamaqta bolý merzimin eki aıǵa - 22 qyrkúıekke deıin uzartty.
Qaýly oryndalýy úshin Astana jáne Almaty qalalarynyń Sybaılas jemqorlyqqa qarsy is-qımyldar bıýrosy departamentterine baǵyttaldy.
Úıqamaqta ustaý erejelerine sáıkes, aıyptalýshylardy jalǵa alynǵan páterlerde nemese týystarynda ustaýǵa bolady. Jalǵa alý sharty nemese sáıkesinshe jazbasha kelisim qurý mindetti talaptardyń biri.
Jemqorlyqqa qarsy qyzmetke mundaı qujattar berilmedi.
Mataevtardyń Astanada turǵylyqty meken-jaıy bolmaǵandyqtan, olar turatyn páter bólindi.
Astana q. áýejaıyna kelgende Seıtqazy Mataev densaýlyǵyna shaǵymdandy, alaıda medıtsınalyq mekemege barýdan bas tartty.
Buǵan qaramastan, jemqorlyqqa qarsy qyzmet jedel járdem brıgadasyn úıge shaqyrtty. Alǵashqy medıtsınalyq kómek kórsetilgen soń Seıtqazy Mataev aýrýhanaǵa jatýdan bas tartty.
