Seısmojattyǵý: almatylyqtardyń uıaly telefondaryna shuǵyl habarlama keldi
ALMATY. KAZINFORM – Almatyda saǵat 11:00–de sırena dybystary iske qosyldy.
Qala turǵyndary jalpyqalalyq seısmıkalyq jattyǵýlar ótkizý týraly shuǵyl habarlama aldy. Onyń ishinde sırenalyq-daýys habarlaý qurylǵylary iske qosyldy, mobıldi qosymshalar arqyly habarlamalar jiberildi.
Almaty qalasy TJD málimetine sáıkes, megapolıs 9-10 baldyq seısmıkalyq aımaqta ornalasqan, sondyqtan árbir azamat tótenshe jaǵdaı kezindegi jáne odan keıingi is-qımyldarǵa daıyn bolýy kerek.
Atap aıtqanda:
— Jer dúmpýi bola qalǵan jaǵdaıda otbasy múshelerimen kezdesetin oryndy aldyn ala anyqtaý qajet.
— Jer silkinisi aıaqtalǵanyn kútý úshin páter ne úıdegi eń qaýipsiz jerlerdi aldyn ala anyqtaý qajet.
— Ǵımarattan evakýatsııalaýdyń eń qysqa jolyn anyqtap, bilip júrý kerek.
Eske salaıyq, 28 sáýirden bastap tele-radıoarnalarda josparly jattyǵý týraly beınerolıkter men sabyr saqtaýǵa shaqyratyn habarlamalar kórsetildi.