Seısmologtar Gaıtıdegi zilzala týraly eskertken bolatyn
ASTANA. Qańtardyń 14-i. QazAqparat - Gaıtıdegi zilzala sarapshy-seısmologtar úshin oqys jaǵdaı bolǵan joq. Olar uzaq jyldar boıy joıqyn zilzalanyń bolý múmkindigi týraly eskertip keldi,
dep habarlaıdy QazAqparat RBK saıtyna silteme jasap.
Mysaly, sońǵy eskertý 2008 jyly aıtyldy - 18-inshi Karıb geologııalyq konferentsııasynda bes ǵalym Espanola aralynyń ońtústik bóligin (Gaıtıdiń astanasy Port-o-Prens qalasy ornalasqan) «iri seısmıkalyq qaterli» óńir dep atady.
Baıandama avtorlarynyń biri -Tehastaǵy geofızıka ınstıtýtynyń aǵa ǵylymı qyzmetkeri Pol Mann - sol kezdiń ózinde mıllıon halqy bar Gaıtı astanasynyń eki tektonıkalyq - Soltústikamerıkan jáne Karıb plıtalarynyń túıisine qaterli jaqyn turǵanyn kóldeneń tartqan bolatyn.
