Seısmologtar 2018 jyldan bastap qýatty jer silkinisteriniń ósetinin boljaýda
ASTANA. QazAqparat - 2018 jyldan bastap jerdegi iri jer silkinisteri sanynyń aıtarlyqtaı ósýi múmkin. Boýlder qalasyndaǵy Kolorado Ýnıversıtetiniń geofızıgi Rodjer Bılham 1900 jyldan bastap magnıtýdasy 7-den joǵary zilzala statıstıkalaryn zerttep, osyndaı baılamǵa kelgen.
Baqylaý kórsetkendeı, eger Jer óz osinen aınalý jyldamdyǵy ishki sebepterge baılanysty azaısa, jer silkinisi jıi bolady.
Bılhamnyń aıtýynsha, XX ǵasyr jer silkinisteri sany boıynsha ortasha deńgeıden asqan osyndaı bes kezeńdi bastan keshken. Sondaı-aq ǵalym bul kezeńderde jylyna 25-30 qýatty jerasty dúmpýleri, al qalǵan ýaqytta 15 iri zilzala bolǵandyǵyn málimdedi, dep jazady Guardian basylymy.
Aıta ketsek, geofızık Geophysical Research letters jýrnalynda jarııalaǵan óz tujyrymyn Amerıka geologııalyq qoǵamy konferentsııasynda ortaǵa salǵan.
