«Seısmologııa ınstıtýty» 2012 jylǵa jer silkinisteriniń ortashamerzimdi boljamyn jasady

Bul týraly ınstıtýttyń dırektory Tańatqan Abaqanov málim etti, dep habarlady ústimizdegi jyldyń 1 naýryzynda ótken «dóńgelek ústeldiń» qorytyndysy boıynsha Almaty qalalyq TJD-niń baspasóz qyzmetinen.

«T. Abaqanov atap ótkendeı, álemdik tájirıbede maquldanǵan jáne Almaty seısmoqaýipti óńiriniń jer qabatynyń seısmotektonıkalyq jáne geologııalyq-geofızıkalyq jaǵdaılar úshin beıimdelgen boljam jasaý modelderi men ádisterin qoldana otyryp jasalǵan egjeı-tegjeıli taldaýdyń negizinde, 2012 jylǵa arnalǵan ortashamerzimdi boljam jasaldy», - delingen baspasóz qyzmetiniń habarlamasynda.

Atap aıtqanda, 0,7 yqtımaldylyǵymen Ms>5,5 magnıtýdasymen (MSK - 64 baǵany boıynsha 7 jáne odan da joǵary balmen) qatty jer silkinisi bolmaıdy. Degenmen, qýaty az jer silkinisteri (Ms<4-5 baǵany boıynsha  I=4-6 ball qýatymen) Taldyqorǵan qalasynyń aýdandarynda jáne Jarkent stansysynda, Altyn Emel jotasynyń taý taramdarynda, Almaty qalasynyń ońtústik-shyǵysyna jáne Qaspek kentiniń ońtústik-batysyna qaraı bolýy múmkin.

Atalmysh qorytyndy 2012 jyly 25 qańtar kúni QR TJM janyndaǵy jer silkinisterin boljaý boıynsha vedomstvoaralyq komıssııanyń májilisinde qaralyp, maquldandy jáne 2012 jyldyń shilde aıynda naqtylanatyn bolady.