Seısmolog Almatydaǵy yqtımal jer silkinisi boıynsha boljam jasady
Aldaǵy aptada Almatynyń seısmıkalyq belsendi aımaǵynda kúshti jer silkinisi kútilmeıdi. Bul týraly QR TJM seısmologııalyq baqylaý jáne zertteý ulttyq ǵylymı ortalyǵy dırektorynyń orynbasary Nursársen Ózbekov málim etti, dep habarlaıdy Kazinform.
Onyń aıtýynsha, Seısmologııa ınstıtýty apta saıyn boljamnyń birneshe túrin jasap, aımaqtaǵy seısmıkalyq jaǵdaıǵa baǵa beredi.
10 qańtarda boljamdyq komıssııa kúrdeli seısmologııalyq materıaldarǵa súıene otyryp, 10 qańtar men 17 qańtardy qosa alǵanda, aptanyń qysqa merzimdi kezeńine qorytyndy jasady.
«Qorytyndyǵa sáıkes, Almaty seısmıkalyq belsendi óńiriniń aýmaǵynda epıdoshaǵynda 7 balldan asatyn kúshti jer silkinisi kútilmeıdi. Sondaı-aq bir jyl ishinde seısmologtar osyndaı 52 qorytyndy jasap, tótenshe jaǵdaılardy joıý organdaryna tikeleı jiberedi», - dedi Nursársen Ózbekov Almaty qalasy boıynsha departamentte ótken brıfıngide.
Sonymen qatar ol áleýmettik jelide taraǵan «15 qańtar kúni Almatyda jer silikinisi bolady» degen aqparattyń shyndyqqa janaspaıtynyn atap ótti.
